Druk
PDF

Hoe breek ons uit die monokulturele gemeentes

Geskryf deur Frederick on . Posted in Forums - Multikulturaliteit

Ek was die afgelope 2 weke saam met 'n span op 'n Missional Safari op reis deur Suid-Afrika, Zimbabwe en Namibië en het gemeentes en bedieninge besoek wat multi of meer kultureel is. Ons wou leer by hulle om uit te vind of ons nie patrone kan optel waarmee ons ander kan bemagtig nie. Ons het meer geleer as wat ons ooit kon droom, dit het ons dieper geraak en gestempel as wat ons vooraf kon verwag.

Hier is 'n paar van my waarnemings/stellings wat nog meer verwerk en aan geskaaf gaan word. Hoop dit sit 'n gesprek aan die gang en rek ons verbeelding so 'n bietjie:

  1. In die Koninkryk is meer-kulturele geloofsgemeeskappe normaal en monokulturele geloofsgemeenskappe abnormaal.
  2. In Suider Afrika is meer kulturele geloofsgemeenskappe 'n groeiende realiteit waarvan baie gelowiges ongelukkig uitgesluit is.
  3. Meer kulturele geloofsgemeenskap is 'n Missio Dei
  4. In 'n meerkulturele geloofsgemeenskap word kulturele voorkeure en taboes vloeibaar, en vind ransformasie van houdings en uitgangspunte plaas.
  5. Kultuurmeerderwaardigheid is een van die grootste uitdaging om meer kulturele geloofsgemeenskappe te bou.
  6. Meerkulturele geloofsgemeenskappe is broos en voel maklik blootgestel in die samelewing.
  7. In meerkulturele geloofsgemeenskappe word daar 'n dieper identiteit in Christus gevorm as in monokulturele geloofsgemeenskappe.
  8. "Displacement" of gemeenskappe wat in liminaliteit is, is vrugbare grond vir die vorming van meer kulturele geloofsgemeenskappe.
  9. Meer kulturele geloofsgemeenskappe is ook sosiale gemeenskappe waarin saam eet, saam leef en saam bly baie belangrik is. Ons kan nie meer kulturele gemeenskappe vorm as ons net saam in 'n erediens is nie.
AddThis Social Bookmark Button
< Vorige Volgende >

Kommentaar  

 
#Dankie — Tom Smith2011-05-30 17:51
Dankie vir die goeie waarnemings ... om meerkultureel te word is moeilik maar die moeite werd.
Reply| Reply with quote | Quote
 
 
#Great! — Ferdinand Boll2011-06-04 17:28
Hier in Florida aan die Wesrand is daar besig om 'n wonder in ons midde te ontvou.'n Nuwe soort geloofsgemeenskap is aan die ontwikkel. Daar is tans 4 verskillende kerklike tradisies - Gereformeerd, Charismaties, Pinkster en Onafhanklike Afrika gemeente van Biskop Mofokeng; asook verskillende tale en rasse besig om die geboue-kompleks saam te gebruik. Die leierskap (leraars asook "kerkrade") van al 4 groepe is oop en positief ten opsigte van mekaar en om saam met mekaar 'n pad te stap. Ons deel 'n visie om een gemeente vir die hele gemeenskap te wees waar goddelike versoening en herstel asook ware onderlinge liefde vir mekaar sal demonstreer dat God se koninkryk hier sommer baie naby gekom het.
Daarom is jul waarnemings wonderlike positiewe bemoediging vir die pad wat ons gekies het om te stap.
Reply| Reply with quote | Quote
 
 
#Mnr — Rudolph2011-06-10 10:57
By ons het daar gisteraand iets gebeur wat vir my wonderlik was. n Koor van n Rooms-Katolieke skool in die dorp het opgetree tydens die laaste Pinkster aand. Toe hulle aankom was amper alle lede van die koor swart en hulle het in Zulu gesing. Wat meer is, is dat hulle toe vir ons die woorde gee en vra om saam te sing! En wat gebeur? Daar sing n wit, Afrikaanse, Protestantse gemeente in Zulu saam met swart Rooms-Katolieke kinders tot eer van ons God. Ek was verstom. Dit het my net laat besef dis moeilik, maar nie onmoontlik.
Reply| Reply with quote | Quote
 
 
#Veelkantige God — Pieter Roeloffse2011-06-13 12:19
Dankie vir hierdie reis waarop julle ander wil insluit. Vir my bly die uitdaging dat die kerk soms die onuitgespreekte rol van kultuur-bewaker aanneem. Wanneer meer-kulturele geloofsgemeeskappe dus "normaal" is binne die koninkryk beteken dit sekerlik nie net om 'n "oop-deur-beleid" te handhaaf nie, maar om baie aktief die ander kulture in die buurt in te sluit. Hierop sal lidmate dalk wil vra "Hoekom 'n meer-kulturele geloofsgemeenskap wees?"
My oortuiging bly dat ons die imago Dei en koninkrykslewe nog net op 'n skrefie sien soos deur 'n sluier in 'n monokulturele geloofsgemeenskap. Dit verarm ons Godsbegrip...
Reply| Reply with quote | Quote
 
 
#Meer-kultuur geloofsgemeenskap vind meer plaas as wat ons dink — Frederick2011-06-14 15:49
Dankie vir die kommentaar uit soveel verskillende oorde. Ek dink Pieter is reg dat daar baie mense is wat dink dat die gemeente die bewaker van 'n bepaalde kultuur moet wees. Biskop Graham Gray van Fresh Expressions het gister treffend gese 'n missionale gemeente moet bereid wees om aan haar kultuur te sterf sodat daar ruimte kan kom om mense van 'n ander kultuur te kan insluit.- as ek so na Ferdinand, Rudolph en Tom hierbo kyk is dit 'n wonderlike vreugdevolle ervaring as gemeentes dit regkry om so ruimte te maak vir ander kulture- dit is asof die deurbraak van die Koninkryk net duideliker is as in monokulturele situasies.
Reply| Reply with quote | Quote
 
 
#Prof — Jurgens Hendriks2011-06-14 16:45
Frederick dring daarop aan dat ek iets skryf. Ek was ook op die toer. Onuitwisbare indrukke bly vars in my gemoed. 'n Maer vroutjie, Mayelitso is haar naam, dans met energie en vreugde in die kerk. Ons almal klap hande en sing terwyl 'n Afrika drom die ritme pols. Op 'n manier ego die drom in jou hart. Sy is haar man se tweede vrou. Die gemeente het haar nie daaroor verwerp toe sy 'n Christen geword het nie. Christus het haar VERLOS. Die ouderlinge van die gemeente langs die Zambesi is oorstelpend bewus van die feit dat die Bybel goeie nuus is. Genuine goeie nuus is. Mens voel die kontras aan as jy saam met hulle wandel in die woord. Ons moet nie net uit monokulturele gemeentes loskom nie, ons - ek altans - moet ook loskom uit my ingegroefde verstaan van die evangelie om weer die vreugde te kan beleef van iets wat ongelooflik groot is.
Reply| Reply with quote | Quote
 
 
#noodspoorloos — Alan Childs2011-06-18 14:25
Baie dankie vir die moed om 'n belangrike vraag te vra en om solank te waag om dit te begin antwoord. Mag ons Here wat soveel grense oorgesteek het om ons in sy "kultuur" in te sluit ons as kerke die genade gee om liefdevol en vreesloos ook verby onsself te leef na die kleurryke wereld om ons. Persoonlik reken ek mens moet 'n inklusiewe gesindheid koester in jouself en in jou invloedsfere, mens moet jouself ten doel stel om nuwe mense en nuwe belewenisse buite jou gemaksone te leer ken en beleef en voorts dink ek ook mens moet sensitief wees vir alle nood om jou ... ongeag kleur/kultuur/taal/klas ... want nood is "indiscriminatory" en as jy die nood se spoor volg stap dit by alle tipe mense verby.
Reply| Reply with quote | Quote
 
 
#mnr — gm2011-06-30 18:05
Die nuwe kultuurvorming kan eers gebeur as die leierskap in die gemeente hul koppe draai en "noticing" lense begin opsit. Die nuwe kultuur moet verstaan word en daar moet verstaan word dat dit 'n reis van aanvanklike skokke gaan wees. daar moet ook verstaan word dat die "ander" ook skokke sal beleef in die nuwe kerk. As die leierskap nie die skokke kan oorleef nie, gaan die nuwe geloofsgemeenskap nie die lig sien nie.
Reply| Reply with quote | Quote
 
 
#Meer kultuur gemeentes is 'n proses — PETRUS2011-07-23 07:01
Ons gemeente het amptelik 'n wyksgemeente van ons eie gemeente in 'n plaaslike swart gemeente gevestig, 'n Bybelskool student aangestel, hom verkies as ouderling en uitgsetuur na die wyksgemeente. Daar is gedurige kontak tussen die twee gemeentes - hulle neem deel oa aan ons kerssangdiens, kore kom sing van tyd tot tyd, kleuters besoek ons, ons hou uitreiksondae na hulle, hulle neem deel aan die bazaar, 'ds' Koos is geliefd en word deur selgroepe genooi om hulle te besoek en baie van ons lidmate woon dienste by wanneer daar spediale geleenthede is, bv die dag toe ons 'n paar volledige gesinne gedoop het!

Ons bou tans kerk en lidmate gaan besoek die bouwerk gereeld. Ons beplan 'n diepgaande gemeenskaps-bediening waaraan ons gemeente op baie vlakke kan deelneem. Die Here is besig om 'n verstommende eenheid te bewerkstellig en mense 'verander' sonder dat hulle dit besef.

Ons begin binnekort met 'n Engelstalige aanddiens vir ander kultuurgroepe wat hulle in ons gemeenskap kom vestig het en die gemeente is opgewonde daaroor...Ondertussen is daar swart besoekers wat sporadies ons eie dienste begin bywoon.










,
Reply| Reply with quote | Quote
 
 
#Mrs — Joop2011-12-01 00:45
Dit is so fantasties! Ek huil so van dankbaarheid en entoesiasme - 'n visie wat ek en my man ontvang het vir ons gemeenskap is moontlik!! Danki, danki! Jul gebede vir 'n oop wit leierskap terwyl 11 afrika gemeentes se behoefte vir pastorale sorg, opleiding, gemeentebou en ondersteuning kan geskied.
Reply| Reply with quote | Quote
 

Lewer kommentaar


Sekuriteitskode
Verfris

Alle kommentaar