Kersfees-kortfilm vir Kersdag

Hier is 'n Kersfees-kortfilm wat jy op Kersdag kan gebruik. Dit is GRATIS aflaaibaar hier of hier.

Dit is 'n 2:30 minuut clip wat fokus op Maranatha as ons almal se diep sug na God wat (weer) moet kom. Stille nag in die agtergrond. Maranatha ‘n Aramese woord waarmee die eerste gelowiges mekaar gegroet het: “Kom, Here!” Dit is ‘n diep sug, ‘n verlange, na ‘n beter wêreld. ‘n Tyd wanneer armes goeie nuus ontvang, gevangenes vrygelaat word, blindes weer kan sien, onderdruktes vry kom en Jesus Here is.

Ook ons ken hierdie verlange; Ook ons soek rus in gejaagdheid; Ook ons wil êrens tuiskom; Ook ons wag vir vrede midde in geweld; Ook ons soek ‘n plek om te behoort; Ook ons hoop op genesing te midde van pandemies; Ook ons sien uit na vrylating; Ook ons sug: “Kom, Here, kom gou!”