Zuma ontken die vrug van medemenslike Christene
'n Mensgerigte ekonomie broodnodig vir Suid-Afrika
Suid-Afrikaners, woon in 'n land met 'n dominante Westerse kultuur, ons is as 't ware vasgespin in vry-liberale ekonomiese drade. En dis 'n bittere ironie. Die wonder van ons nuwe demokrasie word ondermyn deur wêreldwye ekonomiese kragte wat ook ons ekonomie tot nadeel van die massas beïnvloed.
Vyf redes waarom ek dink armoede konferensies werk nie
1. "Die armes het julle altyd by julle" – Jesus
Tydens een van die colloquium sessies wat die Kraaifontein konferensie vooraf gegaan het, was 'n bekende professor in ekonomie en 'n sakeman-predikant van die sprekers. Die voorheen benadeelde predikant het aandele in 'n wynkelder en maak die opmerking "Die armes het julle altyd by julle". Na die vergadering ry die professor in 'n ou-geroeste bakkie en die predikant in 'n nuwe Duitse spogmotor. Iets is fout as daar steeds in teologiese kringe toegelaat word dat Jesus se woorde uit konteks aangehaal en misbruik word. Die welvaart en sukses geloofspore lê diep, die regstellende aksie trek skeef en die soustrein snel voort.
| File | Beskrywing | File size | Laas gewysig |
|---|---|---|---|
 Kraaifontein Commitment.doc | 54 Kb | 05/09/11 16:28 |
Respek - 1ste RSG-onderhoud vir Sondag Aktueel
1. Tema: Respek (Skriflesing: Eks. 20:1-17 )
Vraag1. Hoe sou jy respek definieer.
Respek is een van daardie afrikaanse woorde wat ‘n mens amper nie in een sin kan verduidelik nie. Dit voel vir my ‘n mens moet amper ‘n opstel skryf net om die betekenis sowel as om die verwante karaktertrekke daaromtrent te verduidelik. En wat dit nog moeiliker maak is die feit dat die woordjie respek, nie in die bybel voor kom nie. Die Bybel gebruik ‘n klomp woorde wat verwanttrekke toon en benadruk ‘n soort lewensstyl om die inhoudelike van die woord raak op te som.
Woorde en aksies soos, eerbetoon, ontsag hê, voorrang en voorkeur gee, hoog ag en waardig ag, help verduidelik wat respek is en beteken. Om respek te hê, sluit ook aksies in soos - te respekteer, te luister na, nie te onderbreek wanneer iemand praat of nie onderlangs te praat terwyl ‘n spreker op sy voete is nie, nie ander se besittings skade aan te doen, of ander leed aan te doen nie, ook nie die ander se ondergang te bewerk nie, en kan onderdanig wees of om onderdanigheid te handhaaf ook onder die aksies wat respek uitdruk, ingesluit word.
Reaksie van Communitas vriende op Eugene Terre'Blanche se moord
Eugene Terre'Blanche is op Stil Saterdag, soos Chris Hani 17 jaar tevore vermoor. Vir baie van ons het Opstandingsondag aangebreek met die aanhoor van hierdie ontstellende nuus. Hier volg die kommentaar van Communitas vriende op Facebook ( die Kommentaar is nie in enige volgorde nie) Lees ook gerus Jannie Swart se bydrae hieroor Tussen Vrydag en Saterdag Voeg gerus jou kommentaar hierby sodat ons mekaar kan bemoedig.
Eugene Terre'Blanche oor Paasnaweek vermoor, soos Chris Hani 17 jaar tevore. Op menslike vlak is dit ewe tragies. Op politieke vlak verskil dit egter hemelsbreed van mekaar. Terre'Blanche het nie meer enige beduidende politieke rol gespeel nie. Neels Jackson
Die spiraal van wanhoop, polarisasie en onderdrukte agressie in ons land sal slegs gebreek word deur gelowiges wat doelbewus beign om die waardes van die Koninkryk te lééf al kos dit hulle alles. Dis wat Jesus gedoen het. Dis die prys wat ons ook te betaal het as ons die kruis wil opneem en Hom volg.Pieter steyn
Met Eugene dood en Malema singend, is ons grootste vyand nie ander of mekaar nie, maar ons eie irrasionele gedagtes. Probeer om nie te oorveralgemeen nie, weet ons is een nasie wat wil streef na vrede en gelykheid.Hennie Pienaar
Paanaweek is anders as enige ander naweek, ook al gebeur ontstellende dinge soos nou. Toe Jesus aan die kruis uitgeroep het: "My God, my God, waarom het U my verlaat?" het Hy al ons benoudheid, al die krete om geregtigheid van alle eeue namens ons uitgeroep. Toe Hy die Sondag uit sy graf die vroegoggend binnestap, het ...Hy ons opgetrek uit alle donker + ons voete op die vaste rots van 'n oopbrekende hoop geanker.Johan van der Merwe
Dinge lyk bietjie anders van die kant, veral as dit 3 km van jou af gebeur.....Of dit nou oor geld was of oor Malema se uitsprake, 'n boer is vermoor, toevallig een wat baie sterk voel oor die AfrikanerMarius Combrink
Alhoewel ek dit kan verstaan, is daar vandag op menigte ander plek ander mense ook vermoor, waarskynlik binne 3 km van waar ek is, en niemand gee om nie. Dit gaan defnitief nie die koerant se voorblad haal nie.
Of dit nou 'n boer is, iemand wat sterk voel oor die Afrikaner of 'n swart bedelaar van Zimbabwe in die strate van Soweto wat sterk voel oor oorlewing, 'n politiese figuur of onskuldige mense in 'n woongebied, iemand wat vir die ANC stem of vir die DA; moord is verkeerd.
Ons gaan alleenlik vooruit beweeg as ons alle moord, alle misdaad, alle ongeregtigheid veroordeel op dieselfde vlak. Dit gebeur nie in die media nie en dit is (myns insiens) deel van die probleem.... Hanno Langenhoven
Die bedelaar verkoop ongelukkig nie koerante of ideologiee nie; die moord van Eugene Terblanche gaan ongelukkig beide baat.
Persoonlik dink ek nie hierdie hartseer gebeurtenis kon op 'n veel slegter tyd in ons politiese klimaat gebeur het nie. Hanno Langenhoven
Dis is vreeslik. ´n Mens hoef dit nie eens te wees met ET se standpunte nie, maar hy was ´n prototipe ´Boer´ wat op die verkeerde plek op die verkeerde oomblik daar was.Marcel Bas
Ek betreur die wreedaardige moord op 'n Afrikanerleier, taalgenoot, strydgenoot en vriend Eugene Terre'Blanche en bsekou dit as 'n politieke moord aangestig deur Julius Malema, die jeugleier van die ANC. Andre Alkema
