Openbaring 8 het my weer herinner hoe kosbaar ons gebede  in God se oë is. In die teks word vertel dat daar met die eindoordeel ʼn halfuur stilte in die hemel sal wees. Tradisioneel word daar twee verklarings vir die gedeelte gegee. Albei het met gebed te make en sluit baie nou bymekaar aan. 

Soms, sal mense vir my vra

"Dit voel vir my of die Here my nie hoor nie Dit voel of ek teen die dak vas bid! Soms voel dit vir ons of die Here ons nie hoor as ons bid nie. Ons bid en ons vra die Here om te help, maar dit voel net vir ons asof niks gebeur nie. Dan word ons moedeloos.

Miskien is die antwoord daarin geleë - nie omdat die Here ons nie hoor nie, maar dalk omdat ons nie vir die Here hoor nie. Gebed is nie maar net ʼn eenrigting kommunikasie middel waar ons versoeke kan insit en wag dat ons dit ontvang nie. Gebed is ʼn kommunikasiemedium tussen ons en God. Vir gebed om effektief te wees, moet daar ʼn opregte verhouding tussen ons en God wees.

Here, U is getrouer as my getrouste vriend.

In die Psalm verklaar die digter sy liefde vir God, want God is altyd bereid om te luister wat ons sê. Deur in Hom te glo kry ons rus vir ons hart. Daarom bring ons, ons lewe as 'n offer! Hy is inderdaad die getrouste vriend.

Here,  ek weet ek moet hierdie gebed met lofprysing  begin, want dit is soos U ons geleer het. Ek weet ek moet nie negatiewe gedagtes hê nie, want U wil nie hê ek moet myself neerslagtig dink nie. Ek weet dat ek ter wille van die mense wat nou swaarkry  entoesiasties moet bly, maar, Here, ek sukkel om dit reg te kry.