Draai na God en Bid / Turn 2 God in Prayer

Vroue in die Kaapse Skiereiland word opgeroep tot 'n spesiale interkerklike Gebedsgeleentheid wat deur die Sinodale Kommissie vir Vrouelidmate gereël word.  Dit vind plaas by die NG Kerk Kuilsrivier in Voortrekkerweg van 15h00 – 16h30 op Sondag 2 Augustus.  Dr Elna Mouton lewer ‘n kort boodskap.  Die fokus van die geleentheid is gebed en lofprysing. Gratis plakkate vir bekendstelling van die geleentheid kan by Esther aangevra word by 021-957 7190.

Ringskommissies en die Luister-Seisoen

Ringskommissies het op Maandag 8 Junie saam met Communitas spanlede en Wilhelm Burger van die Seisoen van Luister koppe bymekaar gesit om die komende Ringsittings te beplan. 5 Ringskommissies was verteenwoordig (Wynberg s'n op foto hiernaas).  Idees is uitgeruil oor die beplanning van Ringsittings sodat dit ruimte maak vir die bou van onderlinge verhoudings, Wandel in die Woord, die bewegings van die Gees en 'n gerigtheid op die Koninkryk. Na afloop van die Ringsittings sal hulle evalueer en verder gesprek te voer oor die taak en rol van Ringe. Die Seisoen van Luister is as riglyn gebruik en daar is gekyk oor hoe die verskillende bewegings en stasies van die Luistersiklus Ringsittings kan verryk. Ringskommissies wat belangstel in die verslag of wat in die toekoms wil deelneem, kan vir Wilhelm Burger kontak by jwburger@overnet.co.za. of dit hier aflaai

Inspirerende Handelinge en Missionêre Gemeentes Konferensie

'n Aantal gemeentes het ons genader om 'n "40dae met Handelinge program" vir gemeentes te ontwikkel. Johann du Plessis johdup@netactive.co.za (021 9761185 & 084 2197903) van Kenridge gemeente in Durbanville is reeds besig om so 'n program te ontwikkel. Gemeentes wat hierin belangstel, kan hom kontak. Ons soek gemeentes wat die program in die derde kwartaal in die gemeente wil uittoets. Laat weet asb vir Johann.  Weltevredenpark gemeente in Roodepoort het al vir 'n hele jaar lank gewandel in die Handelinge boek as deel van hulle gestuurde proses.   Kontak vir Nelus Niemandt by nelus.niemandt@up.ac.za of Kobus Sandenberg kobus@ngweltevreden.co.za vir meer inligting. Indien daar ander gemeentes is wat reeds so 'n program ontwikkel het, laat asb. van julle weet, sodat ons ander by julle kan leer.

’n Oplossing vir Tiener byeenkomste : Fuel 1.1

Vir jare weet ons Tieners bly die moeilikste mark om materiaal voor te skep. Die Jeugkantoor het een produk wat kan help. Lifeway, ’n wonderlike reeks wat in SA kan werk.
"FUEL" ’n pakket met 3 CD's en 2 DVD's verskaf 12 byeenkomste elk met 3 verskillende produkte: 1."The spark", professionele video snit as inleiding. 2."Fanning the Flame" ‘n sessie wat tieners self aanbied. 3. "Combustion" - die Bybel storie deur ’n teoloog aangebied. ’n Stel bestaan uit 3 CD’s en 2 DVD’s. Aankoop prys $149.95, maar ons het die regte bekom om dit vir R300 (posgeld uitgesluit) te verkoop in Suid-Afrika.Reaksie: "Fuel = ‘n uitstekende produk! Is daar ‘n vooruitsig dat die res van die Fuel-reeks bekom kan word?"  Kontak Jeugkantoor 021/957 7199 of jeug@kaapkerk.co.za

NUUTSTE  NOUS  DVD - [uit] sien 

Papiervliegtuig (Psalm 8) sê dit is in die teenwoordigheid van die Grootheid van God dat ons vlerke kry, dat ons nuut sal leer speel, omdat die Een voor wie ons speel, ons laat vlieg!

Wyn (Joh 2:1-11) - met die water wat in wyn verander het, het 'n nuwe era vir mense en hul lewe saam met God aangebreek. God maak ons vry van verleentheid en neem ons in die rigting van vreugde.      Koste:  R30 plus posgeld en verpakking.  (Hoër dupliseringskoste noodsaak R5 styging in prys)

Bestel by die Jeugkantoor, 021/957 7199 of e-pos jeug@kaapkerk.co.za 

Herwin Hoop Re-cycle  Hope

Verantwoordelike Vernuwing 2009 Stellenberg 25-26 Augustus 2009 - Ons is besig om ons greep op Hoop te verloor in Suid-Afrika. Gemeentes kan hieraan 'n enorme verskil maak, maar dan moet ons bereid wees om reguit en eerlik met mekaar te praat. Ons gaan reguit praat oor geweld- slagoffers gaan hulle verhaal vertel en kenners gaan ons help om te verstaan hoekom ons in SA mense doodmaak vir 'n selfoon. Ons gaan reguit praat oor die onderwys en hoe gemeentes vennootskappe met skole kan vorm.  Ons gaan reguit praat oor die uitdagings van die ekonomie en hoe gemeentes mense kan help om hulle hoop uit armoede te herwin.  Bring gemeenteleiers, sakeleiers, onderwysers, vakbondlede, Stadsraadslede en lede van die polisieforum saam wat bereid is om uitgedaag te word om te kies vir HOOP.

Inskrywings besonderhede en meer detail oor die program volg binnekort

Die Lewenstransformerende Reeks  - ’n Reis in geloofsvorming

Die Lewenstransformerende Reeks is ’n interaktiewe proses wat gelowiges begelei tot die vorming van egte Christen gemeenskap, en doelbewus tyd en ruimte skep vir die werking van die Gees om die karakter van Christus in die lewe van gelowiges te vorm. Die proses behels die transformasie van die hele persoon i.t.v. gedagtes, gedrag en wyse van interaksie met God en andere. Die proses is bedoel om uit te loop op ’n lewe van diens aan andere en getuienis vir Jesus Christus. Johan Kotze is die skrywer hiervan wat tans in 'n hele aantal gemeentes uitgetoets word.  Indien julle gemeente belangstel om deel te neem hieraan kontak Johan gerus by jkotze@kingsley.co.za of Divine by 021-8083265 of dr@sun.ac.za Die bestelvorm kan hier afgelaai word

Die Vennootskap van Gestuurde Gemeentes is in 2009 vyf jaar besig in Suider Afrika.

Om hierdie maalpaal te vier beplan die Vennootskap in samewerking met Helderberg gemeente 'n konferensie van 9-11 November. Daar gaan aan die hand van die ervaring van gemeentes wat oor die afgelope 5 jaar toenemend begin fokus het op die uitleef van hulle gestuurde roeping gefokus word op Gestuurde Verhale, -patrone, - gewoontes en - innoverings.  Gemeentes wat deel is van die Vennootskap en ander wat dit oorweeg om deel te word of kan identifiseer met die gestuurde visie, is welkom om die konferensie by te woon. Dagboek gerus nou reeds die datum. Inskrywings inligting sal eersdaags bekendgemaak word.